Leigevilkår for Storfjord Minilager

Gjeldande frå: 01.07.2026

Sist oppdatert: 01.08.2026

Desse leigevilkåra gjeld ved leige av lagerbod hos Storfjord Minilager. Ved å bestille og ta i bruk ein lagerbod stadfestar leigetakar at vilkåra er lesne og aksepterte.

1.  Generelt og avtalepartar

1.1.        Utleigar

Storfjord Minilager er marknadsnamnet til:

Brødrene Valde Eigedom AS
Organisasjonsnummer: 918 536 906 MVA
Forretningsadresse: Vallevegen 21, 6260 Skodje

Lageranlegget ligg i:

Glomsetvegen 62, 6260 Skodje

Kontaktinformasjon:

• E-post: post@storfjordminilager.no
  
• Telefon: 481 72 036

Brødrene Valde Eigedom AS blir i desse vilkåra omtalt som «utleigar», «vi» eller «oss».

1.2.        Leigetakar

Leigetakar er personen eller verksemda som står oppført som kunde ved bestilling av lagerboden.

Leigetakar blir i desse vilkåra omtalt som «leigetakar», «kunden» eller «du».

Dersom avtalen blir inngått på vegner av ei verksemd, stadfestar personen som gjennomfører bestillinga at vedkomande har nødvendig fullmakt til å inngå avtalen på vegner av verksemda.

1.3.        Kva avtalen omfattar

Avtalen gjeld leige av ein bestemt lagerbod ved Storfjord Minilager i Glomsetvegen 62.

Lagerboden kan berre nyttast til oppbevaring av lausøyre innanfor rammene som følgjer av desse vilkåra. Avtalen gir ikkje leigetakar eigedomsrett til lagerboden eller nokon annan del av eigedomen.

Lagerboden kan ikkje nyttast som:

• bustad eller opphaldsrom
• kontor, verkstad eller produksjonslokale
• utsalsstad eller stad for kundemottak
• registrert forretningsadresse utan skriftleg godkjenning frå utleigar
• lokale for annan aktivitet enn ordinær lagring

1.4.        Avtalegrunnlaget

Leigeforholdet er regulert av:

1. bestillinga og ordrestadfestinga
2. desse leigevilkåra
3. opplysningar om pris, storleik og leigestart som blei viste ved bestilling
4. eventuelle skriftlege tilleggsavtalar mellom utleigar og leigetakar

Ved motstrid går ei særskild skriftleg tilleggsavtale føre desse generelle vilkåra. Deretter går opplysningane i ordrestadfestinga føre den generelle teksten i vilkåra.

1.5.        Inngåing av avtalen

Leigeavtalen blir inngått elektronisk når kunden:

• har oppgitt nødvendige kundeopplysningar
• har identifisert seg med BankID
• har godteke desse leigevilkåra
• har registrert gyldig betalingskort
• har fullført bestillinga og motteke ordrestadfesting.

Bestillinga må gjennomførast av ein person som har fylt 18 år.

Utleigar kan avslå eller kansellere ei bestilling dersom:

• lagerboden ikkje er tilgjengeleg
• kundeopplysningane er feilaktige eller mangelfulle
• identitets- eller betalingskontrollen ikkje blir godkjend
• det ligg føre sakleg grunn til å tru at lagerboden vil bli brukt i strid med avtalen eller gjeldande lovverk

Ved kansellering frå utleigar før leigeforholdet har starta, skal eventuelt innbetalt leige tilbakebetalast.

1.6.        Forbrukarar og næringskundar

Leigeavtalen kan inngåast både av privatpersonar og verksemder. Prisane som er oppgjevne på nettsida gjeld privatkundar og er inklusive meirverdiavgift.

For verksemder kjem lovpålagd meirverdiavgift i tillegg til oppgjeven pris. Dette blir opplyst ved bestilling.

Forbrukarar har dei rettane som følgjer av ufråvikeleg norsk forbrukarlovgiving.

1.7.        Elektronisk kommunikasjon

Ved å inngå leigeavtalen samtykkjer leigetakar til at kommunikasjon knytt til leigeforholdet kan sendast elektronisk til registrert e-postadresse eller telefonnummer. Leigetakar er ansvarleg for at kontaktopplysningane til kvar tid er oppdaterte.

2.  Leigeperiode, leigestart og oppseiing

2.1.        Leigestart

Leigeforholdet tek til frå den datoen som er vald ved bestilling, eller frå eit anna tidspunkt som er stadfesta i ordrebekreftinga.

Normalt får leigetakar tilgang til lageret automatisk kort tid etter gjennomført bestilling. Det kan i enkelte tilfelle ta nokre få minutt før tilgangsinformasjon blir sendt ut.

Leiga blir rekna frå avtalt leigestart, sjølv om lagerboden ikkje blir teken i bruk.

2.2.        Leigeperiode

Leigeavtalen er løpande og gjeld inntil ho blir sagt opp i samsvar med desse vilkåra.

Det er ingen bindingstid.

Leiga blir fakturert og trekt forskotsvis éin betalingsperiode per månad.

2.3.        Oppseiing

Leigetakar kan når som helst seie opp leigeavtalen.

Oppseiinga må skje skriftleg via kundekontoen eller ved e-post til post@storfjordminilager.no.

Oppseiingstida er éin kalendermånad, rekna frå den første dagen i månaden etter at oppseiinga er motteken.

Døme:

• Oppseiing 3. april → leigeforholdet opphøyrer 31. mai.
• Oppseiing 18. april → leigeforholdet opphøyrer 31. mai.
• Oppseiing 1. mai → leigeforholdet opphøyrer 30. juni.

Allereie betalt eller forfallen leige blir ikkje refundert dersom leigetakar vel å flytte ut før oppseiingstida er utløpt.

2.4.        Utflytting

Ved utløpet av leigeperioden skal lagerboden vere heilt tømd.

Leigetakar skal:

• fjerne alle eigedelar
• fjerne hengelås
• etterlate boden ryddig
• levere lagerboden tilbake i same stand som ved overtaking, med unntak av normal slitasje. 

Leigeforholdet blir rekna som avslutta først når lagerboden er tømd og hengelåsen er fjerna.

2.5.        Bytte av lagerbod

Leigetakar kan be om å byte til ein annan lagerbod dersom ønskja storleik er ledig.

Ved byte gjeld den til kvar tid gjeldande prisen for den nye lagerboden.

Byte til annan lagerbod utløyser ikkje ny bindingstid eller ny oppseiingstid.

Utleigar kan ikkje garantere at ønskja storleik er tilgjengeleg.

2.6.        Oppseiing frå utleigar

Utleigar kan seie opp leigeavtalen med éin kalendermånads skriftleg varsel dersom det ligg føre sakleg grunn. Ved vesentleg mislighald av avtalen kan utleigar heve avtalen med umiddelbar verknad.

3.  Prisar og betaling

3.1.        Prisar

Gjeldande leigeprisar går fram av Storfjord Minilager si nettside på tidspunktet for bestilling.

Alle prisar er oppgjevne i norske kroner (NOK).

Prisane gjeld for privatkundar og er inklusive meirverdiavgift, med mindre anna er opplyst.

For verksemder kjem lovpålagd meirverdiavgift (MVA) i tillegg til oppgjeven pris.

3.2.        Betaling

Leiga blir betalt som eit løpande månadsabonnement.

Ved bestilling må kunden registrere eit gyldig betalingskort og identifisere seg med BankID.

Leiga blir trekt automatisk forskotsvis den 1. i kvar månad, så lenge leigeavtalen er aktiv.

Ved første bestilling kan første betaling bli trekt ved bestilling eller forholdsmessig fram til neste ordinære trekkdato, avhengig av betalingsløysinga som blir nytta.

3.3.        Manglande betaling

Dersom betaling ikkje kan gjennomførast på forfallsdato, vil betalingsleverandøren normalt gjere nye trekkforsøk.

Leigetakar pliktar å sørgje for at registrert betalingskort er gyldig og har tilstrekkeleg dekning.

Ved manglande betaling kan utleigar:

• krevje betaling i samsvar med gjeldande regelverk
• sperre tilgangen til lageret inntil betaling er motteken
• seie opp eller heve leigeavtalen ved vesentleg mislighald

Manglande betaling fritar ikkje leigetakar frå betalingsplikta.

3.4.        Prisendringar

Utleigar kan endre leigeprisane.

Prisendringar skal varslast skriftleg med minst 30 dagars varsel før dei tek til å gjelde.

Dersom leigetakar seier opp leigeavtalen i løpet av varslingsperioden, skal den varsla prisendringa ikkje gjelde for resten av oppseiingstida. Leigetakar betaler då den tidlegare avtalte prisen fram til leigeforholdet opphøyrer.

Prisendringar gjeld berre for aktive leigeforhold etter at varslingsfristen er utløpt.

3.5.        Depositum

Storfjord Minilager krev ikkje depositum ved inngåing av leigeavtalen.

Utleigar kan likevel krevje erstatning dersom leigetakar påfører lageranlegget skade eller på annan måte blir økonomisk ansvarleg etter denne avtalen eller gjeldande rett.

4.  Tilgang til lageret

4.1.        Tilgang

Leigetakar har tilgang til lageret heile døgnet (24/7) gjennom heile leigeforholdet.

Tilgang blir gitt elektronisk eller på annan måte bestemt av utleigar.

4.2.        Tilgangsinformasjon

Leigetakar er ansvarleg for å oppbevare nøklar, kodar eller annan tilgangsinformasjon på ein sikker måte.

Tilgang skal ikkje delast med uvedkomande.

Leigetakar er ansvarleg for bruk som skjer med tildelt tilgang.

4.3.        Tap av tilgang

Ved mistanke om misbruk, tap av nøkkel eller at tilgangsinformasjon har kome på avvegar, skal utleigar varslast utan ugrunna opphald.

Utleigar kan sperre eller endre tilgang dersom dette er nødvendig av omsyn til tryggleik eller drift.

4.4.        Drift og vedlikehald

Utleigar kan mellombels avgrense tilgangen til lageret dersom dette er nødvendig på grunn av vedlikehald, reparasjonar eller andre forhold som er nødvendige for sikker drift av eigedomen.

Planlagt arbeid som medfører vesentlege avgrensingar, vil så langt det er praktisk mogleg bli varsla på førehand.

4.5.        Sperring av tilgang ved misleghald

Ved vesentleg mislighald av leigeavtalen, mellom anna manglande betaling eller alvorlege brot på desse vilkåra, kan utleigar sperre tilgangen til lageret inntil forholdet er retta eller leigeavtalen er avslutta.

5.  Bruk av lagerboda

5.1.        Tillaten bruk

Lagerboden skal berre nyttast til oppbevaring av lovlege eigedelar som som eignar seg for lagring i lagerbod.

Leigetakar pliktar å nytte lagerboden på ein forsvarleg måte og i samsvar med gjeldande lover og forskrifter.

5.2.        Forboden lagring

Det er ikkje tillate å lagre eller oppbevare mellom anna:

• eksplosive, brannfarlege eller etsande stoff
• drivstoff, gassflasker eller anna farleg gods
• våpen, ammunisjon eller ulovlege gjenstandar
• narkotika eller andre ulovlege rusmiddel
• avfall eller miljøfarleg avfall
• matvarer som kan tiltrekkje skadedyr
• levande dyr eller plantar
• gjenstandar som kan medføre lukt, forureining eller skade på bygning eller andre lagerbodar

Utleigar kan krevje at ulovlege eller uønskte gjenstandar blir fjerna utan ugrunna opphald.

5.3.        Bruk av lagerboda

Lagerboden skal berre nyttast til lagring.

Det er ikkje tillate å nytte lagerboden som bustad, arbeidsplass, verkstad, produksjonslokale eller til annan aktivitet som ikkje er vanleg lagring.

5.4.        Orden og vedlikehald

Leigetakar pliktar å halde lagerboden ryddig og i forsvarleg stand gjennom heile leigeforholdet.

Leigetakar har ikkje høve til å gjere endringar på lagerboden, montere fast inventar eller på annan måte endre bygningen utan skriftleg samtykke frå utleigar.

5.5.        Hengelås

Leigetakar skal sjølv halde hengelås til lagerboden.

Hengelåsen må ha ein bøylediameter på
maksimalt 9 mm for å passe låsebeslaget.

6.  Tilsyn, tryggleik og ansvar

6.1.        Tilsyn

Utleigar har rett til å føre tilsyn med lageranlegget og kontrollere at desse leigevilkåra blir overhaldne.

Normalt skal tilsyn gjennomførast utan at lagerboden blir opna.

6.2.        Tilgang til lagerboden

Utleigar kan opne lagerboden dersom det er sakleg grunn til det, mellom anna ved:

• mistanke om brot på desse leigevilkåra
• mistanke om ulovleg eller farleg innhald
• brann, vasslekkasje eller annan skade
• fare for personar, bygningar eller eigedelar
• pålegg frå offentlege styresmakter

Dersom forholda tillet det, skal leigetakar varslast på førehand. Ved akutte situasjonar kan lagerboden opnast utan førehandsvarsel.

6.3.        Fjerning av ulovlege eller farlege eigedelar

Dersom leigetakar lagrar eigedelar i strid med desse leigevilkåra, kan utleigar krevje at eigedelane blir fjerna innan ein fastsett frist.

Dersom pålegget ikkje blir etterkome, eller situasjonen krev umiddelbare tiltak, kan utleigar fjerne eller sikre eigedelane for leigetakar si rekning.

Ulovlege forhold kan bli melde til politiet eller andre relevante styresmakter.

6.4.        Ansvar for eigedelar

Leigetakar oppbevarer eigedelane sine på eige ansvar.

Utleigar er ikkje ansvarleg for tap eller skade som følgje av innbrot, tjuveri, brann, vatn, skadedyr, naturhendingar eller andre forhold utanfor utleigar sin kontroll, med mindre tapet eller skaden skuldast forsett eller aktløyse frå utleigar si side.

Leigetakar er sjølv ansvarleg for å ha nødvendig forsikring av eigedelane sine.

6.5.        Skade på lageranlegget

Leigetakar er ansvarleg for skade som vedkomande sjølv, eller personar som har fått tilgang gjennom leigetakar, påfører lagerboden eller lageranlegget.

Skadar eller feil som blir oppdaga, skal meldast til utleigar utan ugrunna opphald.

7.  Mislighald

7.1.        Mislighald frå leigetakar

Det blir rekna som mislighald av leigeavtalen dersom leigetakar:

• ikkje betaler leiga innan forfall
• nyttar lagerboden i strid med desse leigevilkåra
• lagrar forbodne gjenstandar
• påfører lageranlegget skade
• på annan måte vesentleg bryt pliktene etter avtalen.

7.2.        Reaksjonar ved mislighald

Ved mislighald kan utleigar, avhengig av forholdet:

• krevje at mislighaldet blir retta innan ein fastsett frist
• krevje erstatning for dokumentert økonomisk tap
• sperre tilgangen til lageret i samsvar med punkt 6
• seie opp eller heve leigeavtalen dersom mislighaldet er vesentleg.

7.3.        Erstatningsansvar

Leigetakar er ansvarleg for økonomisk tap som utleigar blir påført som følgje av mislighald eller aktløyse frå leigetakar eller personar som leigetakar har gitt tilgang til lageranlegget.

8.  Opphøyr av leigeforhold og etterlatne eigedelar

8.1.        Tilbakelevering av lagerboden

Ved opphøyr av leigeforholdet skal lagerboden vere tømd og rydda.

Leigetakar skal innan leigeforholdet er avslutta:

• fjerne alle eigedelar
• fjerne hengelås
• etterlate lagerboden i ryddig stand

8.2.        Etterlatne eigedelar

Dersom eigedelar står att etter at leigeforholdet er avslutta, vil utleigar varsle leigetakar og gi ein rimeleg frist til å hente eigedelane.

Utleigar kan krevje dekning for dokumenterte kostnader knytte til oppbevaring, handtering og eventuell tømming av lagerboden.

8.3.        Manglande henting

Dersom eigedelane ikkje blir henta innan fristen som er sett i varselet, kan utleigar, innanfor rammene av gjeldande rett, disponere eigedelane på ein forsvarleg måte.

Dette kan omfatte sal, avhending eller destruering dersom eigedelane har låg eller ingen økonomisk verdi.

Eventuelt overskot etter sal kan nyttast til å dekkje uteståande krav og dokumenterte kostnader. Resterande beløp tilfell leigetakar.

8.4.        Ansvar etter opphøyr

Leigetakar er framleis ansvarleg for uteståande betalingskrav, erstatningskrav eller andre plikter som har oppstått før leigeforholdet blei avslutta.

9.  Personvern

9.1.        Behandling av personopplysningar

Storfjord Minilager behandlar personopplysningar for å kunne inngå, administrere og gjennomføre leigeavtalen.

Opplysningar som kan bli behandla omfattar mellom anna namn, adresse, telefonnummer, e-postadresse, fødselsdato, betalingsinformasjon, ordrehistorikk og annan informasjon som er nødvendig for å administrere leigeforholdet.

9.2.        Formål

Personopplysningane blir behandla for å:

• administrere leigeforholdet
• gjennomføre betalingar
• gi tilgang til lageret
• kommunisere med leigetakar
• oppfylle rekneskaps- og lovpålagde plikter

Personopplysningane blir ikkje nytta til andre formål utan rettsleg grunnlag.

9.3.        Lagring og deling

Personopplysningar blir berre lagra så lenge det er nødvendig for å oppfylle formåla dei er samla inn for, eller så lenge lovverket krev det.

Opplysningar kan bli delte med samarbeidspartnarar som leverer tenester knytte til betaling, identifisering eller drift av bookingsystemet, i den grad dette er nødvendig for å gjennomføre leigeavtalen.

9.4.        Rettane til leigetakar

Leigetakar har rett til innsyn, retting, sletting, avgrensing av behandling og andre rettar etter personvernregelverket.

Førespurnader om personopplysningar kan rettast til: post@storfjordminilager.no

10.       Angrerett

10.1.  Forbrukarar

Forbrukarar som inngår leigeavtale gjennom fjernsal, kan ha angrerett i samsvar med gjeldande angrerettlov.

10.2.  Samtykke til oppstart av tenesta

Ved bestilling kan leigetakar velje at leigeforholdet skal starte før angrerettfristen er utløpt.

Ved å be om tidleg oppstart samtykkjer leigetakar til at tenesta blir påbegynt før angrerettfristen er ute.

Dersom tenesta er fullt ut levert innan angrerettfristen, og leigetakar har gitt slikt samtykke, kan angreretten falle bort i den utstrekning dette følgjer av gjeldande lov.

10.3.  Utøving av angreretten

Ønskjer leigetakar å nytte angreretten, skal melding sendast til:

post@storfjordminilager.no  innan gjeldande angrerettsfrist.

11.       Endringar av vilkår, lovval og tvisteløysning

11.1 Endring av leigevilkåra

Utleigar kan endre desse leigevilkåra dersom det er sakleg grunn, mellom anna som følgje av endringar i lovverk, offentlege krav eller utvikling av tenesta.

Ved vesentlege endringar som påverkar leigetakar sine rettar eller plikter, vil leigetakar bli varsla i rimeleg tid før endringane tek til å gjelde.

Gjeldande leigevilkår vil alltid vere tilgjengelege på Storfjord Minilager si nettside.

11.2. Lovval

Leigeavtalen er underlagd og skal tolkast i samsvar med norsk rett.

11.3. Tvistar

Partane skal så langt det er mogleg forsøkje å løyse eventuelle tvistar gjennom dialog.

Dersom tvisten ikkje lèt seg løyse i minnelegheit, kan kvar av partane bringe saka inn for dei ordinære domstolane.

Verneting er Sunnmøre tingrett, med mindre ufråvikeleg lovgiving fastset noko anna.

11.4. Kontakt

Spørsmål om leigeavtalen eller desse leigevilkåra kan rettast til:

Storfjord Minilager
Brødrene Valde Eigedom AS
Vallevegen 21, 6260 Skodje

E-post: post@storfjordminilager.no
Telefon: 481 72 036